5 mijë euro shpërblim kush lajmëron korrupsionin

“Qeverisja me duar të pastra është prioriteti më i lartë i yni”, ka shkruar Tahiri në “Facebook”

Secili qytetar që do të lajmërojë keqpërdorimin e pozitës zyrtare dhe korrupsionin e mundshëm të zyrtarëve komunalë në Vushtrri do të shpërblehet me 5 mijë euro.

Ky shpërblim parashihet në Kodin e etikës për zyrtarët e Komunës së Vushtrrisë, i cili është miratuar nga kryetari i Komunës së Vushtrrisë, Xhafer Tahiri, përcjell albinfo.ch.

“Kështu, Vushtrria bëhet Komuna e parë në Kosovë që aprovon këto dy dokumente të rëndësishme që rrisin transparencën e llogaridhënien.

Në procesin e hartimit të këtyre dy dokumenteve të rëndësishme, Komuna e Vushtrrisë është përkrahur nga USAID-i në kuadër të Projektit TEAM.

Po ashtu kam marrë vendim që secili qytetar që do të lajmërojë keqpërdorimin e pozitës zyrtare dhe korrupsionin e mundshëm të zyrtarëve komunalë do të shpërblehet me shumën prej pesë mijë eurosh (5.000 €).

“Qeverisja me duar të pastra është prioriteti më i lartë yni”, ka shkruar Tahiri në “Facebook”.

---