5 orë pritje në Merdarë

Pothuajse në të gjitha pikat kufitare pritja është shumë e shkurtë, derisa e kundërta është për të dalë

Pika kufitare në Merdarë vazhdon të jetë më e ngarkuara momentalisht, deri në 5 orë pritje për të dalë nga Kosova.

Kështu bëhet e ditur përmes faqes zyrtare Qendra Kombëtare për Menaxhim të Kufirit.

Në Merdarë për të hyrë në Kosovë pritja zgjat rreth gjysmë ore, kurse dalja 300-340 minuta., përcjell albinfo.ch.

Pas saj më e ngarkuara në dalje renditet Dheu i Bardhë me 180 minuta apo tri orë të plota.

Edhe në Mutivodë për të dalë duhet pritur një orë, derisa në Vërmicë 30 minuta.

Pothuajse në të gjitha pikat kufitare pritja është shumë e shkurtë, derisa e kundërta është për të dalë.