Kriza në Ukrainë
58 mijë krime të mundshme ruse po hetohen në Ukrainë
Dhjetë muaj pas pushtimit rus në Ukrainë prova të shumta tregojnë se trupat e Kremlinit kanë zhvilluar luftë totale, duke mos respektuar ligjet ndërkombëtare që rregullojnë trajtimin e civilëve dhe sjelljen në fushën e betejës.
Ukraina po heton më shumë se 58 mijë krime të mundshme lufte ruse, vrasje, rrëmbime, bomba dhe sulme seksuale.
Raportimi nga Associated Press dhe kanali televiziv amerikan PBS, i regjistruar në një bazë të dhënash publike, ka verifikuar në mënyrë të pavarur më shumë se 600 incidente që duket se shkelin ligjet e luftës.
Disa nga ato sulme ishin masakra që vranë dhjetëra apo qindra civilë dhe në tërësi mund të llogariteshin për mijëra krime individuale lufte.
Siç tha për AP Karim Khan, kryeprokurori i Gjykatës Ndërkombëtare Penale në Hagë, “Ukraina është një skenë krimi”, përcjell albinfo.ch.
Ndërkohë që autoritetet kanë grumbulluar një sasi marramendëse provash dhe konflikti është ndër më të dokumentuarit në historinë njerëzore, ata nuk kanë gjasa të arrestojnë shumicën e atyre që i kryen këto krime.
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë