Lajme
Van Bellen fiton mandatin e dytë si president i Austrisë
Ish-lideri i të Gjelbërve, Van der Bellen, u mbështet nga të gjitha partitë parlamentare, përveç FPÖ-së së djathtë
Sipas anketave, 78-vjeçari van Bellen arrin në 55.4 për qind, ekstrapolimi i parë e vinte atë në 54.6 për qind. Me këtë shumicë absolute, balotazhi i zgjedhjeve nuk është më i nevojshëm, transmeton albinfo.at. Kandidati i FPÖ-së së djathtë, 60-vjeçari Walter Rosenkranz, ka marrë vetëm 18.4 për qind të votave sipas ekstrapolimit.
Pesë kandidatët e tjerë janë secili në diapazonin e përqindjes njëshifrore.
Mbështetje e gjerë për Van der Bellen
Ish-lideri i të Gjelbërve, Van der Bellen, u mbështet nga të gjitha partitë parlamentare, përveç FPÖ-së së djathtë. Pra, në anen e tij ishin partnerët socialë dhe nga shumë OJQ. Gjashtë kandidatë konkurronin kundër tij. Më i shquari prej tyre është 60-vjeçari Walter Rosenkranz nga FPÖ e krahut të djathtë.
Kandidati FPÖ Rosenkranz ishte për një ndryshim të plotë drejtimi. Veç tjerash, FPÖ refuzon sanksionet e BE-së kundër Rusisë. 60-vjeçari ka kërcënuar se do të shkarkojë qeverinë nëse është e nevojshme. Kjo e drejtë i takon Presidentit Federal, por në fakt është e vështirë.
Me fitoren e tij në zgjedhje, Van der Bellen është rizgjedhur për një mandat të ardhshëm gjashtëvjeçar.
Presidenti i Konfederatës së Zvicrës, Ignazio Cassis ka uruar tashmë presidentin Van der Bellen për fitoren e tij në zgjedhje. Në Twitter ai vlerëson marrëdhëniet e mira me Austrinë fqinje gjatë mandatit të deritanishëm, të Presidentit Federal Austriak.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?