6 oficerë të Kosovës diplomojnë në Turqi

Në Akademinë Ushtarake të Turqisë, u diplomuan me sukses gjashtë oficerë të rinj të Forcës së Sigurisë së Kosovës, Adrian Ukiqi, Fatlind Neziri, Getoar Berisha, Hamdi Hasani, Shefit Tahiri dhe Dardane Mehmeti.

Oficerët e rinj të FSK-së përfunduan me sukses një program pesëvjeçar studimesh, i cili përshiu një kombinim të formimit ushtarak dhe akademik civil.

Në kuadër të këtij programi, ata kanë kryer ushtrime intensive në terren, kanë përvetësuar njohuri të avancuara ushtarake dhe kanë zhvilluar aftësi në lidership, strategji dhe menaxhim, transmeton albinfo.ch.