Kosova

700 gjoba për shkelje të masave anti-COVID në 24 orët e fundit në Kosovë

E mërkurë, 18 Gusht 2021 - 17:20 albinfo.ch

Policia e Kosovës ka njoftuar se pas ashpërsimit të masave anti-COVID në vend, ka rritur kapacitetet në funksion të realizimit dhe implementimit të masave.

Në një komunikatë për media, Policia e Kosovës ka bërë të ditur se vetëm në 24 orëve të fundit ka shqiptuar mbi 700 gjoba për persona juridikë dhe persona fizikë për mosrespektim të masave.

“Kërkojmë nga të gjithë qytetarët, nga institucionet dhe bizneset që të respektojnë vendimet e fundit të marra nga qeveria e vendit, me qëllim që të ruajmë shëndetin publik si dhe pamundësohet përhapja e mëtejme e virusit”, thuhet në komunikatë.