770 mijë refugjatë mbërritën për një vit në ishujt grekë

KEYSTONE

Pothuajse 770 mijë azilkërkues kanë hyrë në Greqi nga fillimi i vitit, dhe më shumë se 200 sish kanë humbur jetën, u tha të mërkurën në Agjencinë e Kombeve të Bashkuara për Refugjatë (UNHCR).

Sipas UNHCR-së, numri i saktë i azilkërkuesve të regjistruar që hyjnë në Greqi është 768 916 persona, 217 persona kanë humbur jetën rrugës dhe 126 mungojnë.

Numri i përgjithshëm i refugjatëve, 58 për qind janë meshkuj, 26 për qind fëmijë dhe 16 për qind gra. Shumica, ose rreth 60 për qind e refugjatëve janë nga Siria.

Pothuajse të gjithë refugjatët arritën në ishujt grekë nëpërmjet Detit Mesdhe me anije nga Turqia.