Johann Schneider-Ammann, president i federatës

Asambleja parlamentare sot ka zgjedhur po ashtu edhe kancelarin e ri federal. Në këtë post, me 230 vota është zgjedhur Walter Thurnher nga CVP/PDC

Krahas votëbesimit nga ana e parlamentarëve, të cilit i janë nënshtruar ministrat aktualë, sot është bërë edhe zgjedhja e presidentit të federatës me mandat njëvjeçar. Në këtë post është zgjedhur minstri aktal i ekonimisë, Johann Schneider-Ammann nga FDP-ja e Bernës. Atë në këtë post e kanë konfirmuar 196 nga 208 votat e vlefshme.

Schneider-Ammann është në postin e ministrit federal nga viti 2010 ku mban resorin e ekonomisë, arsimit dhe shkencës. Ai ka trashëguar Simoneta Sommaruga-n nga SP/PS e cila këtë funksion e ka ushtruar prej një viti.

Funksioni  i presidentit dederal është rotativ: atë e marrin për ta ushtruar për një vit njëri nga shtatë anëtarët e Këshillit Federal, gjegjësisht ministrat.

Në postin e nënpresidentes është zgjedhur ministrja nga CVP/PDC, Doris Leuthard. Ajo ka marrë 180 nga 203 votat e vlefshme. Leuthard është në Këshillin Federal që nga viti 2006 dhe si e tillë është më së gjati në këtë përbërje të qeverisë. Politikania e CVP/PDC-së ka qenë tashmë në vitin 2010, presidente e federatës.

Asambleja parlamentare sot ka zgjedhur po ashtu edhe kancelarin e ri federal. Në këtë post, me 230 vota është zgjedhur Walter Thurnher nga CVP/PDC.