Dijon Ramaj i shënon dy gola kundër Serbisë

Mesfushori i talentuar shqiptar, Dijon Ramaj, ka shkëlqyer në fitoren 5:1 kundër Serbisë në grupmoshat U-18 të Gjermanisë, në kuadër të një turneu përgatitor në Izrael.

Ramaj ka shënuar dy gola në këtë takim, në minutat 5 dhe 26. Paraqitjen fantastike të Ramajt e ka vlerësuar edhe trajneri i Gjermanisë U 18, Guido Streichsbier.

“Që nga fillimi e kishim lojën nën kontroll dhe falë futbollistit Dion Ramaj kemi kaluar herët në epërsi”, shkruan dfb.de. “Vetëm në 10 minutat e parë të pjesës së dytë kemi vuajtur pakëz, por më pas disa zëvendësimeve dhe shënimit të golave të tjera gjithçka ka vijuar për së mbari. Kemi pasur mundësinë të shënojmë edhe dy apo tre gola më shumë”, ka thënë ai, transmeton albinfo.ch.

Gjermania në fund e fitoi këtë turne, ku morën pjesë edhe kombëtaret e Izraelit dhe Ukrainës.

Ramaj, 17-vjeçar, është pjesë e U-19 të Stuttgartit.