Sulmohet me armë zjarri qendra e azilit

I plagosuri, një azilkërkues 23 vjeçar që ka marrë një plagë të lehtë, është dërguar në spital por ndërkohë është lëshuar

Mbrëmë, rreth orës 2.30 të pas mesnatës, persona të panjohur kanë shtënë me armë zjarri në një qendër azili në afërsi të Frankfurtit. Me këtë rast, siç njofton hessenschau.de është plagosur një refugjat që ishte duke fjetur.

Të panjohurit kishin shkrepur disa fishekë në një dritare të katit përdhes të qendrës së strehimi të azilküerkuesve Dreiech-Dreieichenhain, ku po flinin azilkërkuesit.

Policia po i zhvillon hetimet në shumë pista ndërkohë që vendi i krimit është bllokuar, por deri tash mungojne informacionet mbi autorin ose autorët e sulmit.

I plagosuri, një azilkërkues 23 vjeçar që ka marrë një plagë të lehtë, është dërguar në spital por ndërkohë është lëshuar.

Në këtë qendër janë të vendosur 30 persona, të gjithe meeshkuj nga Siria dhe Afganstani.