Integrimi
EKM/CFM fillon legjislaturën e re, me përbërje të freskuar
Ai tashmë quhet Komisioni Federal për Migracion (EKM/FCM) ndërsa deri tash quhej Komisioni Federal për çështje të Migracionit
Komisioni Federal Migracion, me dhjetë anëtarë të rinj dhe me 20 të rizgjedhur, ka filluar punën në legjislaturën e tij të re 2016-2019. Me përbërjen e tij të re, komisioni përpiqet t`u përgjigjet sfidave aktuale në fushën e azilit. Komisioni njëkohësisht ka bërë edhe ndryshimin e emrit. Ai tashmë quhet Komisioni Federal për Migracion (EKM/FCM), thuhet në një komunikatë të dërguar nga EKM. Deri tash quhej Komisioni Federal për çështje të Migracionit.
Në zgjedhjen dhe rizgjedhjen e përbërjes së tashme, EKM ka mbajtur parasysh nevojën e përfaqësimit të gjinive dhe të gjuhëve të vendit, sipas zonave. Rreth gjysma e anëtarëve e njohin migracionin nga përvojat e veta personale. Nisur nga gjendja e tensionuar në fushë të azilit dhe të refugjatëve, me zgjedhje është shikuar më tepër që anëtarët e rinj të kenë njohuri specifike dhe përvoja nga fusha e azilit, vazhdon komunikata.
Si kryetar i EKM-së është rikonfirmuar Walter Leimgruber, udhëheqës i seminarit për studime kulturore dhe për Etnologji Evropiane. Nënkryetarë janë sërish Fiammetta Jahreis, studiuese e gjuhës dhe eksperte për arsimimin e të rriturve bashkë me Etienne Piguet, profesor për gjeografinë humane në Universitetin e Neuchatel-it.
Komisioni është themeluar më 1 janar 2008 me një vendim të Këshillit Federal dhe është një komision i jashtëm parlamentar. Ai është krijuar nga shkrirja në mes të ish Komisionit për të Huaj (EKA) dhe Komisionit për çështje të Refugjatëve (EKF).
EKM këshillon qeverinë e vendit dhe asministratën lidhur me çështje të migracionit, promovon kohezionin shoqëror përmes mbështetjes së projekteve dhe publikon raporte, qëndrime dhe rekomandime, përfundon komunikata për shtyp e EKM.
Të tjera nga Integrimi
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Gjashtë gjëra që duhet të dini për pagat në Zvicër Nëse jetoni dhe punoni tashmë në Zvicër, (ose jeni gati të zhvendoseni këtu), ndoshta jeni njohur...
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse
-
Migros do të sjell hamburgerë të rinj, zviceranët skepitkë
-
Rreth 150 mëlçi transplantohen në të gjithë Zvicrën çdo vit