Integrimi
Zari Xhaferi nuk arrin të zgjidhet në ekzekutivin e kantonit Zug
Ka fituar Martin Pfister nga CVP me 17844 vota ndërkohë që për zgjedhje. Ndërsa Zari Xhaferin e kanë votuar 8540 veta, duke dalë i dyti në garë
Zari Xhaferi, politikani i ri socialdemokrat me prejardhje shqiptare nga Maqedonia, nuk ia ka dalë të zgjidhet në Qeverinë e Kantonit Zug, ku ishte kandiduar nga partia e tij. Vendin e lënë bosh të shefit të drejtorisë së financave Peter Hegglin nga CVP, i cili ishte zgjedhur ndërkohë deputet federal, e ka fituar bashkëpartaku i tij, Martin Pfister. Ky i fundit, që është dhe kryetar partie në nivel kantoni, e ka arritur shumicën absolute dhe kështu nuk ka nevojë të shkohet në rivotim.
Pfister ka fituar 17844 vota ndërkohë që për zgjedhje do t`i mjaftonin edhe 13.966. Ndërsa Zari Xhaferin ekanë votuar 8540 veta, duke dalë i dyti në garë, shkruajnë mediet zvicerane. Shumë mbrapa tij ka mbetur kandidati nga Partia e Piratëve, Stefan Thöni, me vetëm 1547 vota, transmeton albinfo.ch.
Përkundër humbjes, kjo garë ka qenë një përvojë e jashtëzakonshme për politikanin e ri shqiptaro-zviceran. Ai është shqiptari i parë që ka fituar besimin e një baze partiake për të garuar për një post me kaq peshë.
Mediet zvicerane theksojnë se mbështetja për Zariun në këtë garë ka kaluar përzej përkatësive partiake, falë besimit që ai gëzon në shtresa të gjera të qytetarëve të kantonit të tij.
Por, në një kanton ku partia të cilës i takon ai, kka zakonisht peshë modeste dhe nga ana tjetër partia rivale në këtë garë (CVP) është dukshëm më e përfaqësuar, rezultati i politikanit të ri dhe me perpektivë, Zari Xhaferit është megjithatë inkurajues.
Xhaferi, i cili punon si mësimdhënës dhe gazetar, është duke e mbajtur mandatin e dytë të deputetit në Kantonin e Zug-ut. Ai është shumë aktiv në jetën shoqërore dhe poilitike të kantonit të ij dhe më gjerë. albinfo.ch e ka përcjellë ngritjen politike të Zari Xhaferit që nga koha e zgjedhjes së tij në mandatin e parë, deputet kantonal.
Të tjera nga Integrimi
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale