Gjermania, vendi më i mirë në botë

Përsëri Gjermania shpallet si vendi më i mirë në botë bazuar në indikatorë të përgjithshëm si në biznes, ekonomi, kualitet të jetës etj, thuhet në një analizë të prezentuar sot para WEF - World Economic Forum – Davos.

Gjermania u shpall vendi më i mirë në botë , pjesërisht për shkak të ekonomisë së fuqishme, ndikimit në botë dhe orientimit  ndaj çështjeve kyçe botërore, si kriza e refugjatëve dhe uniteti në eurozonë “, thuhet në analizën e publikuar në Davos.

Pesë shtete kanë qenë në listën e 10 vendeve më të mira dhe SHBA-të  thuhet të jenë vendi më i fuqishëm në botë.

Thuhet të jenë analizuar 60 vende në bazë të kritereve të ndryshme.

„Luksemburgu thuhet të ketë kushtet më të mira për të bërë biznes, Italia vendi me traditë të pasur “ndërsa Brazili top vendi për ta vizituar, Kanada, në krye për cilësinë e jetës.

Lista e vendeve më të mira të botës: Gjermania, e ndjekur nga Kanadaja, Britania, SHBA, Suedia, Australia, Japonia, Franca, Hollanda dhe Danimarka.

Kina, Gjermania dhe Shtetet e Bashkuara janë shtetet më të mira për të filluar një karrierë, ndërsa Tailanda, Malajzia dhe Filipinet janë vendet më të mira për të filluar një biznes.

Vendet më të mira për investime janë India, Singapori dhe Vietnami, ndërsa Britania, Kanadaja dhe Shtetet e Bashkuara janë vendet më të mira për shkollim.

Suedia, Danimarka dhe Kanada rezultojnë të jenë vendet më të mira për të rritur fëmijët

Analiza është përgatitur nga  U.S. News & World Report, Bav Consulting dhe Universiteti i Pensilvanisë.