Tarashaj ftohet nga kombëtarja zvicerane

Dy lojtarët e Grasshoppers mund të ngjiten në trenin e fundit për te Kombëtarja A e Zvicrës: Philippe Senderos dhe Shani Tarashaj.

Sipas “Blick”, dy lojtarët do të testohen në ndeshjet kundër Irlandës (25 mars në Dublin) dhe kundër Bosnjës (29 mars në Cyrih).

Për Senderos do të ishte oferta e parë që nga 9 tetori 2014. Në atë kohë, 31-vjeçari erdhi në ndeshjen kualifikuese kundër Sllovenisë. Për Tarashajn ajo do të jetë e para kombëtare, derisa ishte refuzuar nga  trajneri i Shqipërisë, Gianni, për në Kombëtaren e Shqipërisë.

Me Tarashajn bëhen 7  shqiptarë te përfaqësuesja e Zvicrës, pasi përpos tij, janë edhe Xherdan Shaqiri, Granit Xhaka, Valon Behrami, Pajtim Kasami, Admir Mehmedi dhe Blerim Xhemaili.

Tarashaj ka shkëlqyer këtë edicion me fanellën e Grasshopperit, ndërsa ai ka kompletuar transferimin te Evertoni në Ligën Premier në janar për katër milionë euro.