Austria, me lojtarët më të mirë përballë Shqipërisë

Përfaqësuesja austriake do të luaj me lojtarët më të mirë në përballjen ndaj Shqipërisë.

Trajneri i Austrisë, zvicerani Marcel Koller ka shpallur listën e lojtarëve me të cilët do të luajë më 26 mars në Vjenë, kundër Shqipërisë dhe tri ditë më vonë edhe ndaj Turqisë.

Në këto dy ndeshje miqësore të cilat zhvillohen në kuadër të përgatitjeve për kampionatin evropian “Euro 2016”, trajneri ka përfshirë në ekip edhe dy lojtarë Alessandro Schopf i “Schalke 04” dhe Florian Grielitsch, që luan në Werden Bremen.

Në listë, përpos lojtarëve tjerë kryesorë të Austrisë, nuk mungon edhe Marc Janko i Bazelit, i cili është shok skuadre me Taulant Xhakën të kampioni i Zvicrës.

Interesimi i shqiptarëve që jetojnë në diasporë për të ndjekur nga tribuna ndeshjen mes Austrisë dhe Shqipërisë vazhdon të jetë shumë i madh.

Albinfo