Integrimi
Shqiptarët e Zvicrës humbën një personalitet të çmuar, Victor Ruffy
Qyteti i Lozanës dhe në veçanti komuniteti shqiptar i Zvicrës mori lajmin e pikëllueshëm për humbjen e jetës së mikut të saj të vjetër, z. Victor Ruffy, ish-deputet i Parlamentit të Zvicrës dhe mbështetës i përkushtuar i Shqipërisë dhe komunitetit shqiptar. Me prejardhje nga një familje e vjetër dhe e shquar zvicerane, siç ishte stërgjyshi […]
Qyteti i Lozanës dhe në veçanti komuniteti shqiptar i Zvicrës mori lajmin e pikëllueshëm për humbjen e jetës së mikut të saj të vjetër, z. Victor Ruffy, ish-deputet i Parlamentit të Zvicrës dhe mbështetës i përkushtuar i Shqipërisë dhe komunitetit shqiptar.
Me prejardhje nga një familje e vjetër dhe e shquar zvicerane, siç ishte stërgjyshi i tij, Victor Ruffy (nga ai e trashëgoi emrin), i cili pati qenë Këshilltar Federal dhe zv. president i Zvicrës, apo gjyshi i tij, Eugène Ruffy, po ashtu Këshilltar federal dhe President i Konfederatës zvicerane, mund të paramendojmë lehtë pse tashmë i ndjeri z. Ruffy pati qenë gjithashtu një politikan zviceran me emër.
Përveç punës së tij si deputet i Parlamentit të Zvicrës, ai kishte një interes dhe një dashuri të veçantë për shqiptarët, të cilët kishte filluar t’i njohë dhe t’i mbrojë që nga vitet 90-a kur ishte drejtues i Komisionit për marrëdhënie me jashtë si dhe kryesues i delegacionit zviceran pranë Këshillit të Evropës.
Lufta për pranimin e hyrjes së Shqipërisë në institucionin e Këshillit të Evropës, por edhe mbështetja e tij e pakursyeshme për diasporën shqiptare në Zvicër kanë qenë thelbësore dhe e bëjnë të paharrueshëm në kujtesën kolektive shqiptare. Fondacioni Eurobibus dhe Instituti për studime shqiptare në Lozanë (ISEAL) janë dy projekte nëpërmes të cilëve Victor Ruffy ishte bërë ambasador dhe promovues i kulturës shqiptare.
Fatmirësisht dhe pavarësisht pikëllimit, “koha nuk do të zhdukë gjurmët e burrave të mëdhenj”.
Të tjera nga Integrimi
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen