Një aparat rroje shkakton alarm për bombë!

Vendkalimi kufitar Basel-Weil am Rhein në mes të Zvicrës dhe Gjermanisë, pasditen e të mërkurës (sot) ka qëndruar i mbllur për një orë nga shkaku i një alarmi bombe.

Alarmi është shkaktuar nga një aparat i thjeshtë elektrik rroje. Ai është aktivizuar vetvetiu në një valixhe që ishte vendosur në afërsi të një autobusi. Kjo zhurmë e aparatit pastaj ka aktivizuar alarmin për bombë, njofton agjencia e lajmeve sda.

Për pasojë, është evakuuar i gjithë areali rreth zyrës së doganës në një rreze prej 200 metrash si dhe është bllokuar qarkullimi në autostradën që është afër vendit të ngjarjes. Pronari i valixhes gjatë kësaj kohe ndodhej në një restorant aty afër. Vetëm pasi që ai, në prani të policisë e ka hapur valixhen, policia ka bëre zhbllokimin.