Granit Xhaka pozon me fanellë të Arsenalit

Vetëm disa detaje të vogla kanë mbetur deri në nënshkrimin në mes futbollistit Granit Xhaka dhe klubit anglez Arsenal

Graniti aktualisht gjendet në Londër ku pritet edhe zyrtarizmi i marrëveshjes, ndërkohë faqe të ndryshme në internet kanë publikuar fotografi të futbollistit shqiptar me fanellë të Arsenalit teksa ai ka qëndruar në qendrën e trajnimit të klubit londinez, njofton “albinfo.ch”.

Sipas mediave të huaja, priten vetëm testet mjekësore.

Bashkë me Granitin në Londër janë edhe ty prindërit e tij si dhe e fejuara Leonita të cilët kanë vizituar “shtëpinë” e re të Granitit.

Transferimi i Xhakës nga Monchen Gladbach në Arsenal do të kapë vlerën e 45 milion eurove.