Maqedoni, çmimi i bukës nuk do të ndryshohet

Grupacioni i Industrisë së mullisëve dhe bukëpjekësve në Maqedoni paralajmëroi sot se nuk do të ketë shtrenjtimet të çmimit të bukës.“Çmimi i bukës është i volitshëm dhe nuk do të ketë shtrenjtim, apo zvogëlim. Çmimi do të ngelet 25 gjegjësisht 27 denarë, për shkak se një çmim i tillë është i pranueshëm”, theksoi Bllagoj Stojçev, kryetar i këtij grupacioni.

Sipas tij, Qeveria nga pjesa e dytë e muajit janar ka nisur që të ndihmojë me grurë nga rezervat shtetërore. Në Maqedoni gjithnjë ka mungesë të grurit për rreth 50 për qind nga nevojat e përgjithshme, por kjo zbrastësirë është plotësuar nga importi nga Serbia dhe Bullgaria.

Çmimet për një ton nga këto vende deri tani ka qenë 14 dhe 16 denarë, ndërsa tani ka pasur rritje çmimesh prej 20 denarë.