Francë: Sapo u shpalos flamuri i përmasava gjigande 150 me 70 metra

Tifozët shqiptarë sapo kanë shpalosur në Marsej flamurin gjigand të bërë enkas për lojën Francë –Shqipëri.

Ideatori i realizimit të flamurit shqiptar është piktori Rinor Sllova. Ai thotë për albinfo.ch se shqiponjën në këtë flamur e ka vizatuar me dorë në në pëlhurë të kuqe në bashkëpunim me tifozët Kuq e Zi.

„Ky projekt është punuar në Prishtinë në përmasat 150 i gjatë dhe 70 metra gjerësi“, tregon Sllova për albinfo.ch, dhe vazhdon, „motivi është kombëtarja që na bëri kaq krenarë“.

Financimi i këtij projekti ka ardhur me ndihmën e disa biznesmenëve ku kostoja totale tij ishte 15 mijë euro, thekson ai.

Por autoritetet vendase nuk kanë dhënë leje për shfaqjen e flamurit në Stadium sonte në ora 21. 00 me fillim të lojës Shqipëri – Francë.

„Flamuri nuk do të shpaloset në stadiumin e Marsejit“, thotë ai me gjysmë zëri.

Ideatori i Flamurit Rinor Sllova nga Dibra e Madhe e Maqedonisë nuk duket shumë i lumtur pasi që autoritetet e vendit nuk kanë lejuar shpalsojen e flamurit në Stadium.

„Jo ky flamur nuk do të mundë të shpaloset në stadium pasi që autoritetet nuk na lejuan“, njofton Sllova.

Autoritetet e vendit kanë dhënë leje që ky flamur të shfaqet në „Plages du Parde“ në Marsej, plazhi buzë Fanzonës së krijuar për të parë ndeshjet e kampionatit.

„Autoritetet franceze na kanë dhënë leje vetëm këtu në plazhen e Marsejit ta shpalosim flamurin“, shpjegon piktori nga Dibra.

Përcjelljen e këtij eventi të rrallë po e bëjnë shumë tifozë shqiptarë me brohoritje në mbështetje të kombëtares. Tifozat Kuq e Zi, kanë ftuar tifozët shqiptarë që t’u bashkohen atyre  në ora 14.30 për ta bërë shfaqjen sa më madhështore. Shumë  media të huaja po e përcjelllin paraqitjen paqësore të tifozërisë shqiptare.