Zvicra vazhdon përkrahjen për zhvillimin e Kosovës

Beglinger: për Zvicrën është shumë me rëndësi dialogu ndërmjet sektorit privat, OEK dhe të Qeverisë

Qeveria e Zvicrës edhe në të ardhmen do të vazhdojë përkrahjen për zhvillimin ekonomik të Kosovës, ndërsa segment i posaçëm do të jetë sektori privat. Këtë qëndrim e shfaqi sot ambasadori i Zvicrës në Kosovë, Lukas Beglinger , gjatë takimit që pati me kryetarin e Odës Ekonomike të Kosovës (OEK), Safet Gërxhaliu.

Ambasadori Beglinger ka vlerësuar se për Zvicrën është shumë me rendësi dialogu ndërmjet sektorit privat, OEK dhe të Qeverisë. “Ekonomia e Kosovës nuk mund të zhvillohet pa sektorin privat.

Ne tashme i kemi nënshkruar disa marrëveshje me Kosovën dhe Zvicra e përkrah Kosovën me shume mjete në aspektin ekonomik, që para se gjithash ka për qëllim punësimin e te rinjve. Jam shumë i bindur se Qeveria në bashkëpunim me OEK do te jap kontribut të rëndësishëm në këtë drejtim”, ka thënë ambasadori Berlinger.

Ndërsa Gërxhaliu ka potencuar se Zvicra i ka dhënë kontribut të rëndësishëm në zhvillimin e Kosovës dhe se Zvicra ka pjesën dërmuese te diasporës shqiptare dhe është vendi i cili nder te paret e ka pranuar pavarësinë e Kosovës.

“Është shtet i cili vërtet ka bere shume ne aspektin teknik dhe ne bartjen e aktiviteteve pozitive ne Kosove”, ka thënë Gërxhaliu.

Kreu i OAK-ut, e ka informuar ambasadorin zviceran në lidhje me situatën aktuale në Kosovë dhe me bashkëpunimin ekonomik ndërmjet dy dy vendeve, duke theksuar se duhet te mendohet në aspekt afatgjate.