Qeveria e Kosovës: Akt human intervenimi ndërkombëtar në Libi

Qeveria e Kosovës ka vlerësuar sot se intervenimi ndaj pozicioneve të diktatorit libian Muammer Gaddafi është akt human në mbrojtje të popullatës civile libiane, e cila kërkon largimin e diktatorit, liri, demokraci dhe prosperitet për popullin e Libisë.

Nëpërmjet një komunikate për media, Qeveria i ka dhënë mbështetje intervenimin ushtarak të forcave ajrore të disa shteteve të NATO-s ndaj caqet ushtarake të në Libi, duke i konsideruar këto sulme si akte në dobi të paqes dhe sigurisë në rajonin e Mesdheut e më gjerë.

Qeveria ka vlerësuar se intervenimi ndaj pozicioneve të diktatorit libian Muammer Gaddafi është akt human në mbrojtje të popullatës civile libiane, e cila kërkon largimin e diktatorit, liri, demokraci dhe prosperitet për popullin e Libisë.

“Kosova e ka të provuar rëndësinë e intervenimeve të natyrës së tillë në vitin 1999, kur NATO me sukses udhëhoqi fushatën e bombardimeve kundër caqeve serbe, duke u përmbyllur me sukses çlirimi i Kosovës, por edhe rënia e diktatorit serb, Milosheviq”, potencohet në komunikatë.

Po ashtu Qeveria e Kosovës solidarizohet me shtetet që mbështesin intervenimin ajror në Libi, përgëzon Këshillin e Sigurimit të OKB-së për dhënien e së drejtës për intervenim dhe konsideron se “ky veprim është i drejtë, legjitim dhe i domosdoshëm”.