Goli i mrekullueshëm i Shaqirit përmbys rezultatin 1:1

Keystone

Edhe pjesa e dytë shtesë po kalon në shenjë të sulmeve të parreshtura të zviceranëve. Sikurse dhe më parë, aktori kryesor i sulmit zviceran është Shaqiri.

Edhe Derdyiok ka pasur një shans shumë të mirë për të shënuar, në minutën 112.

Ajo që bie në sy është se topi ka kohë që nuk është parë në drejtim të portës zvicerane, pasi që gjithë kohën sulmi zviceran është aktiv në pjesën afër portës polake.

—–

Në pjesën e parë ë lojës së vazhdimit (dy herë nga 15 minuta) Zvicra po bën në vazhdimësi presion mbi portën polake, Sërish është Shaqiri ai i cili është më aktiv në këtë drejtim.

Minuta 102, rezultati vazhdon të jetë 1:1.

——-

Në kohën kur dukej se Zvicra kishte rënë nën depresion pas golit të pësuar, në minutën 82 Shaqiri, i shërbyer nga Seferovic ka shënuar një gol superlativ, shumë të bukur, nga pozicioni i ashtuquajtur “gërshërë”. Zvicra – Polonia 1:1.

Shaqiri me këtë gol ka kthyer bindjen se ai është personi që mund të kthejë rrjedhën e lojës në favor të Zvicrës, siç ka ndodhur edhe disa herë më parë.

Ditëve të fundit Shaqiri ishte në fokus të kritikave për angazhim jo të mjaftueshëm ndërsa ka qenë trajneri Petkoviq ai që e ka mbrojtur.

http://www.dailymotion.com/video/x4ibw03_sport