Shumë futbollistë të Evropianit duan të luajnë për Kosovën

“Pa emra. Po, ka futbollistë që ishin në ‘Euro 2016’ dhe kanë shprehur dëshirën për të luajtur për Kosovën. Jemi në pritje të një përgjigjeje nga FIFA dhe pas përgjigjes do të flasim me emra”, ka thënë Bunjaki

Përzgjedhësi i Kosovës në futboll, Albert Bunjaki, ka deklaruar se ka futbollistë shqiptarë që ishin në “Euro 2016” me kombëtare tjera, që kanë shprehur dëshirën për të luajtur një ditë për Kosovën, shkruan albinfo.ch.

Kosova, që është pranuar në FIFA dhe UEFA dhe po bëhet gati për kualifikimet për Botërorin 2018 që nisin në muajin shtator, është në pritje të një përgjigje nga FIFA se a ka të drejtë të marrë futbollistë që kanë luajtur për kombëtare tjera në ndeshje zyrtare.

“Pa emra. Po, ka futbollistë që ishin në ‘Euro 2016’ dhe kanë shprehur dëshirën për të luajtur për Kosovën. Jemi në pritje të një përgjigjeje nga FIFA dhe pas përgjigjes do të flasim me emra”, ka thënë Bunjaki.

Ai ka deklaruar se Kosova do ta ketë vështirë në Grupin I ndaj Islandës, Finlandës, Ukrainës, Turqisë dhe Kroacisë, por mendon se edhe mund të bëjë befasi.