Barcelona e Reali e kërkuan Granit Xhakën

Ragip Xhaka, babai i yllit të Arsenalit, Granit Xhaka ka thënë se shumë klube e kanë kërkuar djalin e tij, duke përfshirë Realin dhe Barcelonan, derisa shumë e transferimit në Londër është 50 milionë euro. Kështu është shprehur Ragipi në televizionin publik të Kosovës, shkruan albinfo.ch.

“Oferta e Arsenalit ishte marramendëse. Graniti nuk u largua për atë shumë të parave që është thënë nga gazetarët, por për 50 milionë euro, duke u bërë futbollisti i tretë më i shtrenjtë që largohet nga Bundesliga”, u shpreh Ragip Xhaka.

Ai shtoi se për djalin e tij kishte shumë oferta. “Kishim oferta edhe nga Barcelona, kemi pas kontakte edhe nga Real Madridi. Ka qenë oferta marramendëse e Arsenalit dhe është lojtari i tretë dhe shumë e kalimit të tij është 50 milionë euro”, ishin fjalët e Xhakës.

Gjithashtu ai konfirmoi se Graniti të martën do të vjen për pushime në Kosovë, derisa atë në aeroportin e Prishtinës do ta presin disa tifozët të organizuar të Arsenalit në Kosovë.