CH-Ballkani
Në Kuqishtë mbahen Lojërat Tradicionale të Rugovës
Të dielën në Kuqishtë të Rugovës mbahet edicioni i 22-të i Lojërave Tradicionale të Rugovës, ku do të jepet një program artistik i përbërë prej këngëve rapsodike dhe solistike, për të vazhduar më pas me disiplinat e para sportive, prej shtatë sa do të luhen gjithsejtë, ka njoftuar Drejtoria për Kulturë e Komunës së Pejës. Hedhja e llastarit, ngjitja në shilor, hedhja e gurapeshit dhe tërheqja e litarit janë disiplinat ku do të mund të luajnë pjesëmarrësit e regjistruar.
Më pas, Kuqishta do të jetë nikoqire e ansambleve nga të gjitha trojet etnike me programet e tyre autoktone. Tri disiplinat e fundit sportive, me karakter më fizik e luftarak, janë gara në sharrën e vekut, rrëzimi i duarve dhe mundja.
Mijëra vizitorë, përfshirë këtu vendës dhe ata nga diaspora, marrin pjesë në këto Lojëra, që tradicionalisht janë organizuar në të dielën e parë të muajit gusht. Këto lojëra kanë një zanafillë të hershme dhe janë lojëra që e ruajnë trashëgiminë kulturore të dokeve,zakoneve dhe traditës rugoviane.
Vitin e kaluar, Rugova u shpall destinacion botëror i turizmit nga Organizata Botërore e Turizmit në Dubai, ku ndër të tjera u theksua roli i Lojërave Tradicionale të Rugovës.
Lojërat tradicionale janë lojëra popullore, karakteristikë etnokulturore e trevës së Rugovës dhe prezantojnë shumëllojshmërinë e traditës, zakoneve dhe dokeve të kësaj treve malore e që në përmbajtje të tyre hyjnë sikurse lojërat e shkathtësive fizike e lojërat luftarake të burrave, ashtu edhe lojërat humoristike, lojërat dëfryese, këngët tradicionale, vallet popullore dhe ritet e ndryshme etnokulturore të kësaj treve të njohur shqiptare.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës