15 viktima nga moti i lig në Shkup

Nga reshjet, janë shkaktuar edhe dëme të mëdha materiale, ndërsa shumë banorë kanë mbetur të bllokuar nëpër fshatra, bëhet e ditur nga mediat e Shkupit dhe konfirmohet ehde nga autoritetet

Një mot i ligë që  ka kapluar  Shkupin me rrethinë në ditën e djeshme ka marrë jetën e 15 personave. Sipas konfirmmit të bërë nga Ministria e Punëve të Brendshme të Maqedonisë për mediat e Shkupit, viktimat janë nga Haraçina, Singeliqi dhe Stajkovci, që janë vendet më të goditura nga moti i lig, që ka mbretëruar mbrëmë.

Mësohet se pas vërshimeve në Lagjen Hasanbeg të Shkupit ku situata paraqitet e rëndë dhe ku ekipet e shpëtimit po evakuojnë banorët e rrezikuar, ministri i ekonomisë Driton Kuçi ka dalë ne terren duke qenë pranë qytetarëve në Lagjen Hasanbeg-Shkup.

Ministri Kuçi dukshëm i shqetësuar, iu bashkëngjit ekipeve te shpëtimit, duke ndihmuar drejtperdrejt ne shpëtimin e njerezve te ngujuar neper shtëpitë e vershuara dhe rruget e bllokuara, shkruan zhurnal.mk

Ndryshe situata në terren është duke u përmirësuar me vetë faktin se shiu i rrëmbyeshëm është ndërprerë dhe tani është duke u punuar në ndihmë të banorëve të rrezikuar dhe sanimin e dëmeve materiale.