Pacolli, i pavendosur për kandidimin për postin e presidentit

Ai ka deklaruar se as nuk ka një qëndrim të qartë nëse do ta pranojë postin e zëvendëskryeministrit të parë të Qeverisë së Kosovës

Behgjet Pacolli ende nuk e di nëse do të kandidojë për postin e presidentit. I pyetur nga Kohavisioni nëse do të kandidojë për këtë post të lartë institucional pas ndryshimeve kushtetuese që pritet të bëhen, Pacolli është shprehur se nuk e di si do të veprojë në të ardhmen.

Për më shumë, ai ka deklaruar se as nuk ka një qëndrim të qartë nëse do ta pranojë postin e zëvendëskryeministrit të parë të Qeverisë së Kosovës, ani pse kryeministri Thaçi pati marrë vendim që të jetë në këtë post.

“Nevojiten ende diskutime, të shikojmë… Javën tjetër do të takohem me Thaçin”, ka thënë Pacolli për KTV-në. Ai ka shtuar se grupet punuese të AKR-së po punojnë të arrijnë një marrëveshje me PDK-në që AKR-ja t’i udhëheqë dy ministri të tjera.

Mirëpo, zyrtarë të AKR-së kanë thënë se ende nuk ka kurrfarë marrëveshje me PDK-në për këtë çështje.