Marsh protestues kundër energjisë bërthamore

Në të dyja anët e lumit Rajna është mbajtur një minutë heshtje për viktimat e katastrofave bërthamore të Fukushimës dhe të Çernobilit

Marshet tradicionale të festës së Pashkëve janë shndërruar këtë vit, në disa raste në marshe kundër energjisë bërthamore.

Në një marsh demonstrues të mbajtur në trekufirin në mes të Zvicrës, Gjermanisë dhe Francës, në Bazel, kanë marrë pjesë rreth 2000 protestues, të cilët kanë kërkuar mbylljen e centralit atomik Fessenheim që gjendet në Francë, rreth 35 km nga Bazeli.

Në mesin e marshuesve kanë qenë edhe politikanë nga Franca, Gjermania dhe Zvicra. Aty ishte edhe kryetari i Qeverisë së kantonit dhe qytetit të Bazelit, Guy Morin dhe deputetja e gjelbër nacionale nga Baselandi, Maya Graf.

Gjatë marshimit, në të dyja anët e lumit Rajna është mbajtur një minutë heshtje për viktimat e katastrofave bërthamore të Fukushimës dhe të Çernobilit.

Këtë marsh protestues e kishin organizuar kryesisht organizatat e majta dhe të gjelbriot nga Elzasi, Baden-Würtembergu dhe Zvicra.