6000 minuta (100 orë) telefonata në Kosovë për 35 franga

Me këtë “My Country Flat” gjegjësisht "My Country Kosovo", kushdo që paguan 35 franga plus në muaj do të mund të telefonojë (pothuaj) pa kufizime për 6000 minuta që i bie 100 orë nga Zvicra në Kosovë.

Ofertuesi i madh i telefonisë mobile në Zvicër “Sunrise”, në kuadrin e ofertave të veta speciale telefonike, (për klientët që bëjnë telefonata të gjata e të shpeshta) nga fundi i shtatorit të këtij viti do të promovojë edhe një ofertë të tillë për kosovarët. Këtë njoftim e bën Sunrise në një komunikatë të publikuar në faqen e vet.

Me këtë “My Country Flat” kushdo që paguan 35 franga plus në muaj do të mund të telefonojë (pothuaj) pa kufizime për 6000 minuta që i bie 100 orë nga Zvicra në Kosovë, transmeton albinfo.ch.

Një ofertë të ngjashme Sunrise e fillon për turqit në fillim të shtatorit. Ky opsion parasheh që për pagesën prej 40 frangash në muaj të mund të telefonohet 300 minuta. Këtu përfshihen telefonatat në rrjetin tokësor e mobil por jo edhe ato në numrat specialë e të shkurtë.

Telefonim të pakufizuar tashmë Sunrise ofron për ata që duan të telefonojnë nga Zvicra në Gjermani, Austri, Francë, Spanjë, Portugali, Britani të Madhe dhe SHBA, transmeton albinfo.ch. Ata paguajnë vetëm 15 franga për këtë shërbim.

Vite më parë ofertuesi tjetër, Orange (Tash quhet Salt) kishte promovuar një ofertë të tillë zemërgjerë për ballkanasit, shkruan albinfo.ch. Por pasi që ajo, sipas Orange ishte stërshfrytëzuar nga folësit e pasionuar  ballkanikë, ofertuesi qe detyruar ta ndërpriste.