Arrin grupi i parë i kosovarëve nga Siria

Foto ilustrim

Kanë arritur sot tetë shtetas të Kosovës nga Siria pasi atje është përkeqësuar gjendja e sigurisë. Ministria e Punëve të Jashtme (MPJ) dhe Ambasada e Kosovës në Turqi kanë identifikuar qytetarëve kosovarë që jetojnë momentalisht në këtë shtet dhe u ka mundësuar kthimin në Kosovë.

Artan Behrami, këshilltar për media në MPJ ka paralajmëruar se nesër, do të evakuohen edhe 11 shtetas të tjerë që gjenden atje.

“Evakuimi i shtetasve të Republikës së Kosovës do të bëjmë para ditës së premte, kur është paralajmëruar që të ketë përsëri demonstrata shumë masive, me potencial të shpërthimit të dhunës”, ka thënë Behrami.

MPJ-ja iu bëri thirrje edhe njëherë të gjithë shtetasve kosovarë që të mos udhëtojnë për në Siri, kurse qytetarëve të Kosovës që gjenden në territorin e këtij shteti, që të largohen nga zonat e rrezikshme.