Xhaka kishte të drejtë, s’mund të luajë për Kosovën

FIFA edhe zyrtarisht ka vendosur që futbollistët shqiptarë të Zvicrës nuk mund të luajnë për Kombëtaren e Kosovës

Vendimi i FIFA-s që futbollistët të cilët luajtën për Kombëtare tjera pas 13 majit nuk mund të luajnë për Kosovën është komentuar edhe në mediat ndërkombëtare, shkruan albinfo.ch.

Futbollistët si Granit Xhaka, Xherdan Shaqiri, Valon Behrami apo Shani Tarashaj nuk mund të luajnë për Kosovën.

FIFA ka bërë të qartë se futbollistët të cilët luajtën për Kombëtare tjera pas pranimit të Kosovës në FIFA, s’mund të luajnë për Përfaqësuesen e Kosovës.

Kjo do të thotë se Xhaka kishte të drejt në letrën që shkroi për tifozët kosovarë e u komentua gjatë në rrjetet sociale.

I vetmi futbollist që mund të luajë për Kosovën është Adnan Januzaj, por kjo do të jetë e vështirë, pasi ai është ‘zhdukur’. Kosova gjithashtu ka disa alternativa tjera si sulmuesin Besart Berishën e mbrojtësin Loret Sadiku, që kanë shprehur interesim t’i bashkohen Kosovës.