Celina shënon sërish

Bersant Celina është i huazuar nga Manchester City, por po dëshmon se ka një talent të jashtëzakonshëm dhe me të drejtë konsiderohet si ylli i Kosovës

Futbollisti kosovar, Bersant Celina ka shënuar edhe një gol për skuadrën e tij holandeze, Twente, shkruan albinfo.ch.

Futbollisti i Përfaqësueses së Kosovës po tregon paraqitje shumë të mira që nga transferimi i tij në Holandë. Kjo pasi ka shënuar edhe golin e dytë për skuadrën e tij të re, Twente. Celina shënoi golin e tretë për Twenten në duelin ndaj Den Haag.

Mesfushori me tipare sulmuese i Kosovës shënoi në minutën e 54-t pas dy tentimesh. Ky ishte goli i dytë radhazi për Celinën, i cili kishte shënuar edhe javën e kaluar.

Ai është i huazuar nga Manchester City, por po dëshmon se ka një talent të jashtëzakonshëm dhe me të drejtë konsiderohet si ylli i Kosovës.