Shqiptari ndalohet për ngasje të shpejtë, zbulohet se ka fletarrest ndërkombëtar për tregti droge

41 vjeçari, i cili ndërkohë doli të ishte shqiptar, u mor në pyetje, çka rezultoi me faktin se kundër tij ishte ngritur prej kohësh një fletarrest ndërkombëtar për tregti me drogë

Ajo që filloi si një kontrollim i zakonshëm në komunikacion, për shqiptarin 41 vjeçar përfundoi me burgosje. Policët kishin ndaluar të premten në Magdeburg një makinë e cila u kishte rënë në sy për ngasje të shpejtë. Ngasësi i veturës kishte prezantuar një leje qarkullimi sllovene, shkruan mz-web.de.

Duke kontrolluar më tutje, policët fillojnë të dyshojnë në identitetin e shoferit. Për më tepër shihej se ai ishte edhe nën ndikim të drogës, gjë që u dëshmua si e vërtetë nga një test që iu bë pastaj, transmeton albinfo.ch. Për këtë arsye 41 vjeçari, i cili ndërkohë doli të ishte shqiptar, u mor në pyetje, çka rezultoi me faktin se kundër tij ishte ngritur prej kohësh një fletarrest ndërkombëtar për tregti me drogë.

Tashmë ndaj tij është bërë kallëzim penal për tregti me drogë, vozitje pa patentshoferi dhe për qëndrim ilegal në Gjermani.