FSK-ja ftohet në operacion të përbashkët trajnues me KFOR-in

Në ushtrimet e operacionit “Balkan Hawk” (Skifteri i Ballkanit), që rregullisht dhe tradicionalisht kryhen nga njësitet e KFOR-it, Forcës së EULEX-it dhe Policisë së Kosovës, kësaj radhe do të merr pjesë edhe Forca e Sigurisë e Kosovës (FSK).

Në këtë operacion trajnues, që do të mbahen në fund të qershorit, sipas komandanti i KFOR-it, gjenerali Erhard Buehler, për shkak të integrimit të elementeve të operacioneve të shpëtimit, FSK-ja do të merr pjesë në ushtrimin e integruar dhe të sjellin tek ky ushtrim aftësitë e tyre thelbësore, si çminimin, evakuimin mjekësor, kërkim-shpëtimin ose zjarrëfikjen.

Buehler ka thënë se ky ushtrim është një operacion trajnues i integruar prej disa forcave të sigurisë në Kosovë, në mënyrë që të jetë i përgatitur profesionalisht për të ofruar një ambient të qetë dhe të sigurt për të gjithë njerëzit në Kosovë, duke përfshirë edhe kontrollin e turmave dhe trazirave, si dhe operacionet e shpëtimit.

Ndërkohë, lidhur me këtë operacion trajnues dhe me çështjen e sigurisë në Kosovës sot, pa paralajmërim të mëhershëm për media, ka qëndruar komandanti i Komandës së NATO-s në Evropë, admirali James Stavridis, i cili, së bashku me komandantin e KFOR-it, gjeneralin Buehler dhe me bashkëpunëtorë, takuan në Ministrinë e FSK-së, Agim Çeku dhe komandantin e FSK-së, gjenerallejtënant Sylejman Selimi.         

Admirali Stavridis e ka vlerësuar lart zhvillimet e FSK-së, duke inkurajuar ministrinë dhe FSK-në për zhvillimin e saj edhe në të ardhmen, ndërsa ministri Çeku e ka falënderuar admiralin Stavridis për vizitën që i bëri ministrisë, si dhe e njoftoi për të arriturat e deritanishme, për prioritet e tij dhe për zhvillimin e FSK-së në përmbushjen e kapaciteteve të plota operacionale, si forcë profesionale dhe multietnike.