Përballja e veçantë e Xhakajve

Vëllai i madh, Taulanti luan me Baselin, kampionin e Zvicrës, kurse Graniti me Arsenalin

Vëllezërit Xhaka sërish kundër njëri-tjetrit. Kësaj radhe në Ligën e Kampionëve me skuadrat e tyre. Vëllai i madh, Taulanti luan me Baselin, kampionin e Zvicrës, kurse Graniti me Arsenalin, shkruan albinfo.ch.

Graniti është rritur në Basel dhe ka dalë nga kjo skuadër, derisa tashmë është njëri nga mesfushorët më të mirë në Zvicër.

Kjo nuk është hera e parë që dy vëllezërit Xhaka ndeshen kundër njëri-tjetrit. Ata ishin ndeshur edhe në Kampionatin Evropian, në një takim që bëri bujë në mbarë Evropën.

Taulanti mbron ngjyrat kuqezi, kurse Graniti është lider i Përfaqësueses helvetike. Takimi i 11 qershorit ende mbetet në memorien e të dyve dhe sigurisht se ishte një sfidë speciale në familjen Xhaka.

Fati deshi që vëllezërit të ndeshen sërish, kësaj me klube. Arsenal dhe Basel ndodhen në Grupin A të Ligës së Kampionëve.

Dy vëllezërit kanë ngacmuar njëri-tjetrin në distancë se skuadra e tyre do të fitojnë këtë duel.