Dikur ishte pjesë e ISIS-it, tani kërkon fonde për të luftuar ekstremizmin

Albert Berisha u dënua me 3.5 vjet burg për “Pjesëmarrje në luftërat në Siri”. Ish-pjesëtari i ISIS-it tani kërkon fonde për 'uftimin e ekstremizmit

Një 27 vjeçar nga Kosova, tri vjet më parë ishte nisur nga Prishtinë për ta mbështetur popullin sirianë në luftën kundër presidentit Bashar Al Asad, por kishte përfunduar në anën e organizatës Terroriste (ISIS). Pasi kishte kuptuar realitetin atje, kishte ikur nga Siria dhe ishte kthyer në Kosovë.

Albert Berisha u dënua me 3.5 vjet burg për “Pjesëmarrje në luftërat në Siri”. Por, tani ai ka arritur që të hapë Institut për Siguri dhe Integrim me lejen e Qeverisë së Kosovës, shkruan “Zeri”.

Berisha, nga Prishtina, në vitin 2013 kishte bërë thirrje për krenarinë e të qenit xhihadist. Pasi u kthye ish-luftëtarin e ISIS-it doli në medie për të thënë se është penduar që kishte marrë rrugën drejt “Tokës së Shamit”. Ai në Siri i ishte bashkuar grupit terrorist “Al Nusra”, por pasi u kthye në Kosovë ai deklaroi se është bërë pishman.

I njëjti në shkrimin e tij, të botuar në vitin 2013 (“Heronjtë ‘e Spanjës’ dhe ‘tradhtarët’ e Sirisë”) në gazetën “Besimtari” bën thirrje për xhihad dhe për krenarinë e të qenit shqiptar muxhahedin.

“E njëjtë është situata edhe me shqiptarët që luftojnë në Siri, ata kanë një ideal, kanë një qëllim, kanë një obligim, kanë një rrugë të cilën e trasojnë me krenari, kanë një xhihad për të bërë që i pëlqeu apo s’i pëlqeu Halilit apo dikujt tjetër, kjo është duke ndodhur. Shqiptarët janë muxhahida krenarë që bëjnë xhihadin kur është e nevojshme”, shkruan në Berisha…