Rinia e Kosovës, me potencial të madh

Rinia në Kosovë ka dëshirë, ka talent, dhe ka potencial për të ndikuar në proceset politike

Të rinjtë e Kosovës, shtetit më të ri në Evropë, kanë potencial të madh. Ata përbëjnë gjysmën e popullsisë dhe janë të etur për të parë Kosovën e integruar në Evropë. Megjithatë, ata luftojnë që të kenë një zë në procesin demokratik, shkruan ‘opendemocracy.net’.

Për t’i adresuar këto shqetësime të rëndësishme të shoqërisë, ata synojnë që të marrin pjesë në grupe rinore politike. Rinia në Kosovë ka dëshirë, ka talent, dhe ka potencial për të ndikuar në proceset politike, përcjell albinfo.ch.

Programi i Shkollës ‘New Media’ për shembull, i projektuar dhe i kryer nga Instituti Kombëtar Demokratik në Kosovë, ofron një platformë të rëndësishme, që pajisë të rinjtë me kanale alternative të komunikimit dhe mjete për të rritur në mënyrë strategjike çështje e politikave publike.

Shkolla ‘New Media’ përgatit aktivistët e rinj në Kosovë për të përfituar nga “Facebook”, “Instagram” dhe “Twitter” për të promovuar shkaqet sociale dhe politike në skenën kombëtare. Pas tre brezave të Shkollës së ‘New Media’ është dëshmuar se gratë e të rinjtë janë më të organizuar. Ata janë më të aftë për të kërkuar ndryshime legjislative dhe fiskale, si dhe forma të tjera të veprimit të Qeverisë.