Lajme
Ka vjedhur 1.8 milion franga në Zvicër, biznesmeni zviceran po fshihet në Shqipëri!
Eberle përmes shokëve të tij të burgut ka vendosur kontakte me Shqipërinë dhe ka mundësi që ai tash të jetë duke qëndruar atje. Njëri prej hetuesve thotë se ai mund të ketë marrë identitet të rremë
Tregtari i patundshmërive, zvicerani Peter Eberle nga St. Galleni ishte i dënuar me burg për mashtrim në punë patundshmërish. Pas kësaj, ai kishte dashur të bënte “pak pushim” nga burgu, siç u kishte shkruar autoriteteve.
Ai ishte dënuar pasi që së bashku me një koleg ua kishte vjedhur disa bankave dhe sigurimeve 18 milionë franga, shkruan polizeiticker.ch. Pas dënimit, në janar 2015 Gjykata Kantonale i kishte kërkuar atij një zhdëmtim prej 1.7 milion frangash në emër të shpenzimeve dhe të procedurës. Disa shuma më të vogla që i shtohen kësaj, rrjedhin nga një procedurë në Gjykatën e Qarkut në Wil dhe një tjetër po në Gjykatën e Kantonit.
Kështu, shuma e përgjithshme që ka ai borxh është 1.796.949 franga me një kamatë prej 5%, transmeton albinfo.ch. Këtë shumë, kantoni po provon ta nxjerrë nga ai përmes procedurës së përmbarimit dhe gazetës zyrtare. Në gazetën zyrtare përveç urdhrit të pagesës është publikuar edhe një urdhërarrest për Eberle-n. Atij i janë bllokuar tashmë disa xhirollogari, por autoritetet nuk e japin shumën e parave që ka pasur në to.
Por hetuesit privatë të cilët po merren me lëndën e tij nuk janë shumë optimistë. Ata janë të bindur se Eberle tashmë shumat e mëdha të parave të tij i ka transferuar jashtë vendit, më saktë, në Shqipëri, përcjell albinfo.ch! “Sipas hetimeve tona Eberle përmes shokëve të tij të burgut ka vendosur kontakte me Shqipërinë dhe ka mundësi që ai tash të jetë duke qëndruar atje”. Njëri prej hetuesve thotë se ai mund të ketë marrë identitet të rremë sepse ndryshe nuk mund të qëndronte për kohë të gjatë i pavërejtur atje.
Por, përkundër faktit se Eberle ka vjedhur “mjaft”, as ai nuk ka shpëtuar krejtësisht i paprekur. Ai ka dashur ta blejë nga një shtetas i Maqedonisë një firmë dhe për këtë ia ka dhënë atij 150 mijë franga “në dorë”. Por, kjo shumë e parave është “zhdukur”, pasi që shitësi ka humbur pa gjurmë.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve