Luftimi i kontrabandës në fokus të bashkëpunimit

Dogana e Kosovës dhe ajo e Malit të Zi ka nënshkruar protokollin për shkëmbimin e informative elektronike, me qëllim të parandalimit të kontrabandës dhe aktiviteteve ilegale me mallra në pikat kufitare.

Marrëveshja në fjalë do të mundësojë që dërgesat komerciale, të cilat futen në Malin të Zi përmes mënyrës elektronike, të bëhen të ditura edhe për Doganën e Kosovës, që do të thotë se për çdo produkt që shkon në drejtim të Malit të Zi do të informohet Dogana e Kosovës dhe anasjelltas.

Marrëveshja është nënshkruar nga drejtori i Doganave të Kosovës, Naim Huruglica dhe drejtori i Doganave të Malit të Zi, Bozhidar Vuksanoviq.

Bazuar në të dhënat që ka Dogana e Kosovës, Mali i Zi eksporton mallra në Kosovë në vlerë 18 milionë euro, ndërsa Kosova eksporton në Mal të Zi 5 milionë euro.