Në Bazel kushton kafja më së shtrenjti

Kafja më e shtrenjtë në Zvicër është në restorantet e Kantonit Basel-Stadt, ku ajo kushton mesatarisht 4.44 franga. Ndërsa më së paku për një kafe, sa i përket Zvicrës gjermane paguhet në Kantonin e Bernës (3.96 franga)

Çmimi që paguhet për një kafe (Cafe Crème) në Zvicrën gjermanofone gjatë këtij viti është shtrenjtuar për 3 rapë, duke arritur në 4 franga e 23 rapë. Këtë e tregon Federata e kafiterive të Zvicrës Cafetier Suisse në një raport mbi një sondazh që e publikuar sot.

Kafja më e shtrenjtë në Zvicër është në restorantet e Kantonit Basel-Stadt, ku ajo kushton mesatarisht 4.44 franga. Ndërsa më së paku për një kafe, sa i përket Zvicrës gjermane paguhet në Kantonin e Bernës (3.96 franga)  dhe në Zvicrën lindore, 4.09 franga. Sa i përket Kantonit të Bernës, këtu nuk është përfshirë pjesa frankofone e këtij kantoni.

Po ashtu në këtë sondazh nuk është përfshirë Zvicra Frankofone dhe ajo italiane.

Për realizimin e sondazhit, Cafetier Suisse ka konsultuar çmimet e shitjes së kafes në 350 kafiteri, pastaj cafe -bistro dhe furra buke në të cilat shitet edhe kafe, në të gjitha kantonet gjermane të Zvicrës.