Zviceranët kanë blerë më pak vetura gjatë vitit 2016

Ndonëse kjo shifër (317 mijë) është për dy për qind më e vogël se një vit më parë (në vitin 2015), ajo i tejkalon pritjet që ka pasur shoqata profesionale Auto-Schweiz

Gjatë vitit të kaluar në Zvicër janë shitur gjithsej 317 mijë vetura. Në këtë shifër përfshihen edhe veturat e shitura në Principatën e Lihtenshtajnit. Ndonëse kjo shifër është për dy për qind më e vogël se një vit më parë (në vitin 2015), ajo i tejkalon pritjet që ka pasur shoqata profesionale Auto-Schweiz, shkruan srf.ch.

Katër nga dhjetë makinat e reja që kanë blerë zviceranët gjatë vitit 2016 kanë qenë me motor dizel ndërsa është ndërprerë boomi i blerjes së makinave që tërheqin me të gjitha rrotat.

Drejtori i Auto-Schweiz. Andreas Burgener konstaton në një komunikatë për media se importuesit e automjeteve dhe shitësit e makinave janë ballafaquar me ulje të madhe të marzhave të shitjes.