Kishës Reformiste i ulet numri i besimtarëve

Tashmë vetëm 25 për qind të njerëzve që jetojnë në Zvicër identifikohen me Kishën Ungjillore-Reformiste (protestane)

Keystone

Kisha Reformiste e Zvicrës po vazhdin të humbasë besimtarët gjegjësisht frekuentuesit e saj. Tashmë vetëm 25 për qind të njerëzve që jetojnë në Zvicër identifikohen me Kishën Ungjillore-Reformiste (protestane). Kjo përqindje del nga raporti më i ri i Zyrës Federale të Statistikës, i publikuar sot, transmeton albinfo.ch  Në të vërtetë pjesëmarrja e reformistëve në popullatën e Zvicrës ka shënuar rënie që nga viti 1970 e tutje, duke përjetuar madje një përgjysmim.

Në kurriz të reformistëve ka shkruar duke u rritur numri i personave pa konfesion, të cilët në vitin 2015 përbënin pothuaj një të katërtën  e popullatës së gjithmbarshme.

Nga ana tjetër, dukshëm më pak ikje ka pasur nga Kisha Katolike-Romane. Në mes të vitit 2000 dhe 2015, ka rënë përqindja e tyre nga 42 për qind në 37 për qind të gjithë popullatës. Por në numrat absolutë, numri i katolikëve falë migracionit madje ka shënuar rritje të lehtë.