Buhler: Veriu i Kosovës vazhdon të ndikohet nga strukturat kriminale

Buhler ka thënë se në këtë pjesë të Kosovës është vërejtur zvogëlim i ndikimit politik, mirëpo ka rritje të kriminalitetit

Veriu i Kosovës vazhdon të ndikohet nga strukturat kriminale, ka thënë komandanti i KFOR-it, Erhard Buhler i cili përfundon mandatin e tij në krye të këtij misioni.

Buhler ka thënë se në këtë pjesë të Kosovës është vërejtur zvogëlim i ndikimit politik, mirëpo ka rritje të kriminalitetit.

Gjenerali gjerman Buhler, ka përjashtuar mundësinë që Beogradi të ketë ndikim tek këto grupe kriminale që veprojnë në veriun e Kosovës për qëllime përfitimi.

Duke komentuar bllokimin e rrugëve, Buhler ka deklaruar se ata njerëz janë të frikësuar dhe të urdhëruar nga grupet kriminale, ndërsa shtoi që nëse rrezikohet siguria e pjesëtarëve të KFOR-it, do të intervenohet për zhbllokimin e rrugëve.

Komandanti i KFOR-it Erhard Buhler në një konferencë për shtyp, ka thënë se ka mundësi që të shtyhet edhe afati i marrëveshjes për kthimin e policve dhe doganierëve në pikat 1 dhe 31 deri në krijimin e kushteve.

Ndërsa lidhur me hetimet që po bëhen për kapjen e vrasësve të policit Enver Zymberi dhe djegien e pikës kufitare në Jarinje, Buhler ka theksuar se personat që po kërkohen nuk janë në Kosovë