Neziraj, i quan të pavërteta pohimet e ministrit Krasniqi

Neziraj është përpjekur të argumentojë akuzat për për politizim të kulturës, nga ministria që e udhëheq Memli Krasniqi

Në vazhdën e polemikës që po zhvillohet në mes të ministrit të kulturës Memli Krasniqit dhe tashmë ish drejtorit artistik të Teatrit Kombëtar, dramaturgut Jeton Neziraj, ky i fundit i ka drejtuar përgjigjen e radhës.

Letra e gjatë e dramaturgut Neziri i referohet vjen si përgjigje e letrës që ministri Krasniqi i kishte drejtuar udhëheqësit të ICEY, Christophe Solioz në Gjenevë, ku ai e quan këtë si të manipuluar nga Neziraj.

Neziraj thotë se letra e ministrit përmban dezinformata të qëllimshme dhe sajesa të pabazuara në fakte. Lidhur me këto, dramaturgu nga Prishtina sjell një varg citimesh nga shkrimet si dhe një numër të madh linqesh me shkrime nga shtypi kosovar që kanë të bëjnë me këtë problematikë.

Po ashtu, Neziraj është përpjekur të argumentojë akuzat e tij për për politizim të kulturës nga ministria që e udhëheq Krasniqi. Sipas tij shumica e drejtorëve të institucioneve kulturore që mbulohen nga ministria janë shkarkuar pa procedurë dhe ekskluzivisht në baza të preferencave politike.

Ndërkaq, për akuzat e tij për nacionalizmin dhe racizmin që sipas tij përshkon jetën teatrore në Prishtinë dramaturgu Neziraj përdor si argument kundërshtimin që sipas tij i është bërë realizimit të një shfaqjeje në Prishtinë të regjisorit të njohur rom Rahim Burhan.

Protagonist i fushatës kundër regjisorit rom, thotë Neziraj ka qenë babai i ministrit të sotëm, shkrimtari Milazim Krasniqi. Po ashtu si argument për nacionalizmin që sipas tij karakterizon Teatrin e Kosovës ai ka përmendur kundërshtimin e drejtorisë së Teatrit Kombëtar për të marrë pjesë në një festival teatrosh në Beograd.