Zhvillim
“STERN&Cie“ ofron investime miliardëshe në Shqipëri dhe Ballkan
“Kriteri bazë për thithjen e investimeve të projekteve publike është që secila qeveri e Ballkanit të ofrojë garanci, se fondi i aprovuar për projektin konkret duhet të ndërtohet në afatet e parapara
“Në fazën e menjëhershme janë bërë gati 3 milardë Euro të aprovohen për projekte që do të ofrojë Qeveria Shqiptare. Është në dorën e saj të ofrojë projektet më emergjente publike, për të cilat vendi ka më së shumti nevojë. Institucionet Financiare Ndërkombëtare sinjalizojnë qartë me dritë jeshile se Reforma në Drejtësi e aprovuar nga institucionet e Shqipërisë garanton mes tjerash edhe investimet e huaja“, thotë Avni Nasufovski, përfaqësues i fondit të njohur ndërkombëtar për investime, „STERN&Cie“.
Por, siç pohon për albinfo.ch bashkëpunëtori i tij, i ngarkuar për Shqipëri dhe Kosovë, Safet Sadiku “kriteri bazë për thithjen e investimeve të projekteve publike në fusha të ndryshme është që secila qeveri e Ballkanit duhet të ofrojë garanci, se fondi i aprovuar për projektin konkret duhet të ndërtohet në afatet e parapara. Natyrisht se në kuadër të kësaj logjike, faza përgatitore duhet të jetë e saktë dhe bindëse, përfshirë edhe kompanitë që kandidojnë për kryerjen e punimeve”, tërheq vërejtjen ai.
Ndërsa duke folur për projektet publike që do të financoheshin, ai thotë: “Në projekte publike përfshihen; autostrada, resorte turistike (dimërore dhe verore), miniera, porte detare, metro dhe tramvaj në qendrat e mëdha, bujqësi, projekte ekologjike për ruajtjen e ambientit, pse jo edhe projekte në hekurudha… “
Avni Nasufovski: „Dëshiroj ta ndryshoj Ballkanin“
Më tutje Sadiku sqaron se “z.Avni Nasufovski si përfaqësues i fondit „STERN&Cie“ ka mandat zyrtar që të kontaktojë dhe të nisë bisedimet me qeveritë e vendeve të Ballkanit; Shqipërisë, Maqedonisë, Kosovës, Serbisë, Malit të Zi dhe Kroacisë.
Shifra e mundësisë së investimeve në autostrada, hekurudha, miniera, në turizëm, në bujqësi dhe sektorë të tjerë është shumë e lartë (disa miliardë).
“Informacionin e parë e kam dërguar në disa qeveri rajonale, përmes stafit dhe bashkëpuntorëve të mi të ngushtë. Në informacion ne kemi konfirmuar me shkrim gatishmërinë për investime në projekte të ndryshme publike, shprehet z.Nasufovski.
Në stafin e z. Avni Nasufovski, siç merr vesh albinfo.ch përfshihen edhe bashkëpuntorët e tij të ngushtë për vende të ndryshme, të cilët kontaktojnë institucionet dhe koordinojnë projektet më me prioritet; për Shqipëri dhe Kosovë z. Safet Sadiku,dhe bashkëpunëtorë të tjerë për vende të tjera.
Të tjera nga Zhvillim
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale