Shqiptari dënohet me burgim të përjetshëm

35-vjeçari shqiptar, James Klod Lesi është dënuar me burgim të përjetshëm, pasi kishte vrarë gruan e tij rreth një vit më parë

James Klod Lesi është dënuar nga Gjykata Greke në Selanik me burgim të përjetshëm. Ai ishte i akuzuar për vrasjen me qëllim të gruas së tij në fshatin Ormilia në Halkidiki, raporton albinfo.ch.

Gjykata greke nuk është treguar fare e mëshirshme me shqiptarin. Ngjarja kishte ndodhur rreth një vit më parë. Lesi, i cili ishte i divorcuar tre muajt e fundit nga bashkëshortja e tij greke, dhe ka pasur konflikte me të për ndarjen, ka hyrë në shtëpinë ku banonte viktima dhe dy djemtë e tyre të moshës 4 deri në 6 vjeç, dhe e ka vrarë atë përpara syve të tyre duke e qëlluar disa herë me thikë, bëjnë të ditura mediat shqiptar.

Ai më pas, pasi ka marrë vetëm një prej fëmijëve, u zhduk për tre javë derisa u gjet nga policia greke.

Atij i është dhënë edhe një dënim shtesë prej 5 vitesh burg, për shkak të rrëmbimit të djalit të tij të mitur për 18 ditë, duke vënë jetën e tij në rrezik, si dhe për armëmbajtje pa leje.