Kultura
Duri, në studio për CD-në e parë
Në vitin 2008, Duri Krasniqi kishte mbërritur në finalen e "Supertalentit" të Gjermanisë, ku kishte dalë i dhjeti
Mbrëmjen e të hënës, në përmbylljen e festës së qytetit gjerman Teltow, Duri Krasniqi do të ketë prezantimin e tij. Duri, tashmë 15 vjeç, shqiptari nga Kosova me qëndrim në Austri, para tri vitesh kishte rënë në sy në spektaklin “Deutschland sucht den Superstar”, ku kishte fituar simpatinë e publikut dhe të jurisë.
Atëbotë ai kishte treguar prirje të veçantë për këndim, duke mbërrirë në një konkurrencë të fortë, deri në finale, ku kishte dalë i dhjeti. Shqiptarja tjetër, pak më e moshuar se ai, Vanesa Krasniqi pati shkëlqyer në spektaklin e njëjtë dhe pati zënë vendin e katërt.
Duri, në fillim të javës që po lëmë pas, ka ardhur në Teltow ku ka bërë incizimet në studio për CD-në e tij të parë.
“Unë vi nga një familje muzikore dhe për herë të parë kam hipur në skenë si këngëtar qysh para nëntë vitesh”, thotë 15 vjeçari. Në vitin 2008, ai në spektaklin gjerman për zbulimin e talenteve të reja kishte fituar lëvdata nga Dieter Bohlen, i cili i kishte thënë se në zërin e tij kishte emocion dhe e kishte preferuar për në finale.
Ndërsa me këngën “No matter what” të grupit “Boyzone”, kosovari kishte zënë vendin e dytë në garën e ngjashme në Austri.
Duri Krasniqi si këngëtar i ri është nën përkujdesjen e “DT-Music” të Torsten Lippert-it. Ky i fundit thotë se ka kënaqësinë të orientojë talentin e ri në drejtimin e duhur.
Lidhur me preferencat e tij muzikore, Krasniqi thotë se nuk i pëlqen muzika e “shllagerëve”. Ndërkaq, me baladat e tij, ai ka entuziazmuar publikun “nga pesë deri në 80 vjet”.
“Kur ndaj autograme, në radhë për t`i marrë ato qëndrojnë njerëz të të gjitha moshave”, thotë Duri për gauzetën maerkischeallgemeine.de
Të tjera nga Kultura
E-Diaspora
-
Shqiptari i vë flakën vetes në Itali, ngjarja në sy të gruas së tij Ngjarje e rëndë/ 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Zvicra dhe Kosova, marrëveshje bashkëpunimi për projektin “Matching Skills to Jobs” Mbështetja e sistemit të arsimit profesional, ambasadori Sprecher dhe ministrja Nagavci nënshkruan marrëveshje bashkëpunimi për projektin...
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane