Ndahen 900 mijë euro për rindërtimin e shtëpive në veri

Ministri i Financave, Bedri Hamza ka thënë se kjo ndarje do të bëhet nga buxheti rezervë i ministrisë

Qeveria e Kosovës ka vendosur të vazhdojë rindërtimin e shtëpive në veri të Mitrovicës, duke ndarë 900 mijë euro.

Ministri i Financave, Bedri Hamza ka thënë se kjo ndarje do të bëhet nga buxheti rezervë i ministrisë.

Kjo ndarje buxhetore për të investuar në veri, bëhet bazuar në nenin 14 të Ligjit për buxhetin, i cili jep një të drejtë që të bëhet ndarja e tillë buxhetore në këtë fazë.

Në mbledhjen e Qeverisë, po ashtu është miratuar edhe Projektligji për sigurinë e përgjithshme të produkteve, me ç’rast ministrja e Tregtisë dhe Industrisë, Mimoza Kusari-Lila ka thënë se qëllimi kryesor është që të sigurohet niveli i lartë i mbrojtjes së konsumatorëve dhe të sigurohet qarkullimi i mallrave të sigurta.