Martesat në Shqipëri: Meshkujt 30.4 vjeç, femrat 25.1 vjeç

Mosha mesatare e martesës së meshkujve u rrit nga 29.6 vjeç në 30.4, derisa mosha mesatare e martesës së vajzave u rrit nga 24.1 në 25.1

Numri i martesave në moshë të re është pakësuar në Shqipëri gjatë vitit të kaluar, derisa mosha e martesës është rritur.

Mosha mesatare e martesës për shqiptarët u rrit në 30.4 vjeç për meshkujt dhe 25.1 vjeç për femrat gjatë vitit 2016. Numri i vajzave të martuara në moshë të re ra ndjeshëm në krahasim me vitin 2015, bëhet e ditur nga statistikat e reja të publikuara nga Instituti i Statistikave, thekon “BIRN”.

Edhe mosha mesatare e martesës së meshkujve u rrit nga 29.6 vjeç në 30.4, derisa mosha mesatare e martesës së vajzave u rrit nga 24.1 në 25.1, përcjell albinfo.ch.

Në vitin 2016 u regjistruan 22,562 martesa, nga të cilat, rreth 3300 martesa i kishin nuset më pak se 19 vjeç ndërsa 179 martesa i kishin nuset më shumë se 50 vjeç. Nga djemtë, pati vetëm 88 raste kur dhëndri qe nën 19 vjeç.

Pjesa më e madhe e martesave për vajzat kryhen nga mosha 20 deri në 30 vjeç ndërsa për djemtë nga mosha 25 deri në 34 vjeç.